SESSIONIS honor

SESSIONIS honor

oblatus antiquitus adventantibus, memoratur Homero, Il. ψ. v. 201.

---- ---- Θέου???α δ᾿ Ἶρις ἐπέςτη

Βηλῷ ἐπὶ λιθέῳ. τοὶ δ᾿ ὡς ἴδον ὀφθαλμοῖσι

Πάντες ἀνήϊξαν, καλέον τέ μιν εἴς ἐ ἔκαςτος.

Ἡ δ᾿ αὖθ᾿ ἕζεςθαι μὲν ἀνήνατο. εἶπε δὲ μῦθον,

Οὐχ ἕδος εἶμι γὰρ αὖθις ἐπ᾿ Ω᾿κεανοῖο ῥέεθρα.

---- ---- Currens autem Iris adstabat,

Limine in lapideo. Hi autem cum viderunt oculis,

Omnes assurgebant, vocabantque eam ad se unusquique,

Illa autem sedere renuebat dicebatque verbum,

Non sedes. Ibo enim statim ad Oceani fluenta.

Sic apud Statium Theb. l. 2. v. 151. senior Talaonides, Dircaeusque et Acheloius Heros, venientes ad Adrastum,

---- ---- postquam mediis in sedibus alae

Congressi, inque vicem dextras iunxêre locumque,

Quo serere arcanas aptum, atque evolvere curas,

Insidunt. ——

honorem sessionis illis offerente et participante Rege, ad quem locum vide Animadversiones Casp. Barthii. Livia vero, Augusti animum a gravioribus suppliciis avertere cupiens, inter leniores malorum poenas, ἕδραις ἀτίμοις καὶ ςτά???εσι ἐπονειδίςτοις, sessionibus inhonestis, et stationibus ignominiosis, eum uti monet, apud Dionem l. 55. de quibus vide Casaubon. ad Aug. Suetonii c. 24. At Sessionum dies, in Iure dicuntur, quibus Praetor sui copiam facit, Io. Calvin. Lexic. Furid. Apud Graecae autem Ecclesiae Scriptores, Καθίσματα, Sessiones, dicuntur sectiones Psalterii, de quibus vide aliquid supra, vocibus Acathistus, et Psalmi: plura vero apud Cl. Suicerum Thes. Eccl. voce Κάθισμα.